"كلمة ‚معاق‘ أو ‚ذوي الاحتياجات الخاصة‘… هاد الكلمات راه ما بقاوش خدامين حالياً. فلهذا، الكلمة الصحيحة لي خدامين بها حالياً هي: شخص في وضعية إعاقة أو ذوي الإعاقة.
وكاينين شي ناس الله يهديهم، كيقولو واحد المصطلح لي سلبي بزاف… واحد كيقولك ‚مونغوليان‘، واحد كيقولك ‚معوق‘، واحد كيقولك ‚مريض بتوحد‘… هاد المصطلحات راه غالطين بزاف!
وكاينين لي كيقولوها وماعارفينش، وإذا قلتوها حدا الناس غيشوفو فيكم نظرة خايبة ويقولو عليكم مامربيش وغير محترم.
فلهذا، حذاري 
الكلمة الصحيحة هي: شخص في وضعية إعاقة أو ذوي الإعاقة.
